.:: تامبر تاع السوابق العدلية ولا بــ 50 ألف ....عيش الزواالي ::.

.:: تامبر تاع السوابق العدلية ولا بــ 50 ألف ....عيش الزواالي ::. 644248

والله اخاوتي كي شفت الخبر اليوم فالجرنان تاع الشروق بالبنط العريض
مكتوب بلي الحكومة تاعنا صادقت البارح على القانون تاع المالية هداك ليكملوا
فيه ونزيدلكم معلومة الدولة الوحيدة لعندها قانون تكميلي تاع ا لماليةوهدا يفسر مدى ضعف هته الدولة
هي الدزاير مازالت شادة فهداك الخيط
المهم كيفاه يولي " التامبر ' تاع " الكازي " ولا السوابق العدلية ملي كان بــ 30 دج ولا بــ 500 دينار يعني ولا ب50 الف
هكدا باه يعرف " الغاشي " تاعنا بلي الدولة تاعوا راهي تخمم عليه وفيه وبربي انشاء الله تسمعوا من القدام غير الجديد والمقطوع
أو دصح خصوصا لو يجيبوا حالمدريب كيما مورينيو دالتمبر تاع البروات تاع 15 دينار يولي بمليون
ماش موحال الدولة تاعنا قادر على كلش وكن فيكون خصوصا فالمواضييع هادوا
او ملا تحسبها راقدة المهم الخزينة ماتفقرش وصاحب الكروش يبقاو شادين فيها حتى يقضي ربي أمروا
المهم انا حبيت نعلق على هدا بكل حرية وباللهجة نتاعنا لانو استغربت حقيقة من هاد النقطة يعني ضرك
ولا الواحد كيفكر فكاش مسابقة لازم تكون بلاصتوا مضمونة والضامن ربي
يعني انت كون يكون كاين 3مسابقات يعني 3 نتاع السوابق العدلية
معنتها 150 وزيد لها حقوق التسجيل وحقوق النقل والانتقال والماكلة ووو
يعني ولات مسقامة كتر من هداك البوسط الممحون لراح تديه فولاية جنوبية ؟؟
المهم حبيت نبشركم بشارة خير من هاد الموضوع باه تكون عارفين بلي سياسة السي مخلوف المومنبردي رايح يرجعهالكم جنة
ومازال عيش تشوف عيش تسمع وضرك ولات عيش تسمع عيش تشوف
منا القدام .......ومازال مازال والشعب هدا يساهل كتر من هدا الشي على خطرش هو يزيدلوا فالسكر والزيت
والمسكين يقول معاك يالخضرة معاك يابلادي
أو ربي يصلح برك
.:: تامبر تاع السوابق العدلية ولا بــ 50 ألف ....عيش الزواالي ::. 644248

بقلم سعيد الجزائري
خاص بفرجيوة منتدى

ههههههههه...والله شر البلية ما يضحك ..يا زعيم..
يا عمي السعيد...قالوا بكري...جوع كلبك يتبعك...
والدولة انتاعنا الله يبارك...باغية..تخفف على المواطن...انتاعها ..الحمل الزائد..تاع الدراهم...باه يبقى ديما...خفيف ضريف...يولي يخمم ..غير كيفاه يملى هداك الجيب...و اصحاب الكروش...يخمموا كيفاه يفرغولوا الجيب...باه يخليوه يبقئ ..يخمم غير فالجيب..وما يعمرش راسو بالبوليتيك...والحوايج لي خاطية الطريق...ومنا لقدام ان شاء الله...باه تجبد الجنسية...وتثبت انك جزائري...تولي تخلص مليون مايش موحال...
وليكن في معلومك يا عمي السعيد..اصحاب الكروش...راهم طمعوا يديروا...ضريبة على الحجاج...او باش تروح تغسلك عظامك...في بيت ربي..وما تسلكش منهم..ويلحقولك لجيبك...
سبحان الله..نعم المسؤولين...يخمموا فالمواطنين انتاعهم...

والله غير دصح بصح واش راح دير كيما قلت نتا الشعب او لاتي غير معا لخصرا
كيما قالوها لخضرة ماخلاتنا عقول
واش من قانون لاه يسترك علابالك فدزاير كل تعديل معناه فساد ماشي تعديل
مازال هادي تاع التامبر اي دلخرة
خلي يا زيت وسكر ولقهوا وتريسيتي ولما وسميد وخلي وخلي
ماعندنا مانقولو
ربي يهدينا وخلاص

واش دير اخي السعيد ماعندك مادير الزوالي مايعيش

بصح يا اخي السعيد القهوة تاعك بلاك تخليها باطل ههههههههه

شكرا لكل من الزعيم رمزي ....وعلى الاخ فج مزالة على المداخلة
ماعندي مانزيد الشي لقلتوا ان يهدرت عليه فالموضوع وزدتوه انتوما

بلاد ميكي بلاد تاع التيكي

قالولي عليها الصباح حتى كذبت او من 3الف ل 50 الف اولله بزاف الحكومة هذي ماعرف باه تخمم
الله يصلح البلاد برك
بصح او لازم الشعب درك يدير انقلاب بلاك كاشي مايشوفو مع رواحهم شوية

حنا العرب هذا لاه قاعدين غير للزيادة النقصان ولاش
اييييييه هاذي هي بلاد ميكي
والزوالي مسكين الله يعينو على هاذ الزمان
شكرا لك اخي

ههههههههههههههههههه والله ضحكتني وحد الجملة
ايه هادي هي بلاد ميكي كيما قالت fairy
الحكومة راهي تخمم برك باه ترجع للقدام
امبوسيبل ......... كيفاه تامبر كيما تعيطولو كان ب 3 الاف يرجع ب50 الف
ياو الزاوالي في هادا الزمان غير يقتل روحو

جزاك الله خيرا اخي سعيد
دمت مبدعا

اجمع و اربح تاع كوكا كولا ----- كول الزوالي كول كامل تديو ماكانش لي مايديش

شرفني مروركم الكريم وتدخلاتكم الكثيرة شكرا لكم

والله غير لطفي عندو الحق كي قال بلاد ميكي بلاد التكي
يعيشو غير صحاب لكتاف
الله غالب معندك مرايح الدير والمواد الغذائية كل اليوم تروح عند الحانوت يقولك أيزادت كمسمية 5دج
والله عجب البلاد التاعنا ربي يهدي المسؤولين

هاذي هي الجزائر

هذي هي بلادنا بلاد الهف وبلاد الكروش و الله راني حاير من 30 ل 500 سبحان الله انا بقيت مشوكي
حسبتهم غلطوا برك
خويا السعيد كيما قلت انت كانش كونكور تولي خاسر في لافار
مي نستاهلوا الشيء اللي صرفوه على ليجوار تاعنا وفششوهم بيه راه يخلص فيه الزوالي
وكما قالها واحد بلاد ميكي كيفاه انت ماتهاجرش للخارج وكيفاه ماتحرقش التمبر ب 500 تاع الكازي
المهم واش نقول بلادنا يعيش فيها اللي عندو خاطر راهي تزيد الماء للبحر

من طرف nsa123 الخميس 9 سبتمبر 2010 - 18:41

أخر الاخبار تأكد ان هذه الزيادة تخص صحيفة السوابق العدلية المقدمة للسفارت والقنصليات
سبب البلبلة ان جريدة الشروق لم توضح
والجريدة الرسمية رقم 49 لا توجد فيها تفاصيل
http://www.joradp.dz/HAR/Index.htm

.:: تامبر تاع السوابق العدلية ولا بــ 50 ألف ....عيش الزواالي ::.

.:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.

رد: .:: تامبر تاع السوابق العدلية ولا بــ 50 ألف ....عيش الزواالي ::.



		- قسم الشريعة الإسلامية - النقاش السياســــــــي - أقلامنا . . . . . - أخبار الرياضة المحلية - أخبار ميلـــــــــــــــة - أخبار وقضايا المدينة - قسم المجتمع المدني - مناسبات خاصة جدا . - شكاوى واقتراحات .