امثال شعبية

شافوني اكحل مغلف يحسبو ما في دخيرة
وانا كي المتاب مالف فيه منافع كثيرة
_كسبت في الدهر معزة وجبت كلام رباعي
ماذا من عطاه ربي ويقول عطاني ذراعي
- نوصيك يا حارث الدوم والدوم كثروا نفاعه
الدم ما ينفع الدم ياويح من خانه ذراعه
_اللفت ولات شحمة وتتباع بالسوم الغالي
في القلوب مابقات رحمة شف حالي يالعالي
_سافر وعرف الناس وكبير القوم طيعه
كبير الكرش والراس بنص فلس بيعه
_لا تسرج حتى تلجم وعقد عقدة صحيحة
لا تتكلم حتى تخمم لا تعود ليك الفضيحة
_سوق النساء سوق مطيار ياداخل رد بالك
يوريولك من الربح قنطار ودرولك راس مالك
_ياالي تعيط قدام الباب عيط وكون فاهم
مايفسد بين الاحباب غير النساء والدراهم
_فاعل الخير هنيه بالفرح والشكر ديمة
وفاعل الشر خليه فعله يرجع له غريمة
_كل دواي مسوس يجيب الهليكة لراسه
ويستهل ضربة بلموس حتى يبانوا ضراسه
انتظروا المزيد
سلام

وفيك بركة

بلا مزية حنونة

merci pour al amtal

تسلمو يا غاليين