:::بلاد ميكي..وغلاء الأسعار:::/للنقاش/:::

السلام عليكم
واش راكم يا أعضاء المنتدى ماعليكمش ؟ ان شاء الله تكونوا كامل ملاح
بما أنو هذا القسم اسمو "الرأي ..رأيك" و يسمح باستعمال اللهجة العامية "الدارجة"
فأنا هنا لأعبر بما يدور في خاطري بلهجتي
:::بلاد ميكي..وغلاء الأسعار:::/للنقاش/::: 914894

:::بلاد ميكي..وغلاء الأسعار:::/للنقاش/::: 914894

كيما تعودنا في بلاد ميكي كل يوم تصرا حاجة جديدة نتشوكاو فيها
و أكثر حاجة شوكاتني هي أسعار المواد راهي ديما تزيد و جامي نقصت
بدينا بالسكر طلع ل110 دج و الخضرا جامي رحنا للسوق ولا المرشي و لقينا حاجة
تحت 40 دج حتى البطاطا و البصلة الي مستحيل نستغناو عليهم رجعوا يديرو 40 دج فما فوق
هذا بلاما نروحو للطماطم و الخضرا الأخرى و يامحاينك كي نزيدو نروحو لجيهت الفواكه
ماكانش فاكية تحت ال80 دج عدنا غير نتفرجوا معاها برك
مانقدروش ناكلوها و نزيدو ندورو للسميد 1000 دج للشكارة تاع 25 كلغ
الزوالي مسكين يسلك 8000 دج كيفاش رايح يشري ؟؟؟ :::بلاد ميكي..وغلاء الأسعار:::/للنقاش/::: 221893

:::بلاد ميكي..وغلاء الأسعار:::/للنقاش/::: 221893

ياو كرهنا من بلاد ميكي كلشي فيها غاااااااااااااالي
وضرك نفوتوا للبسة ياحرااااام ماتتمسش تدخل للحانوت تقعد بلاراس
أرخص حاجة في الحانوت تاع الذكورة ب1500 دج ارواح يا الزوالي و اشري إذا قدرت
و حتى في الحوانت تاع البنات كلشي يشوي و الزوالي المسكين مايعيش
وين راهي الدولة الي تظل تقول رانا نعاونو في المواطن و نهبطو في الأسعار باش تكون في متناول الجميع

ماتروحوش بعيد نوقفوا مع إشهار و نعود
:::بلاد ميكي..وغلاء الأسعار:::/للنقاش/::: 914894

:::بلاد ميكي..وغلاء الأسعار:::/للنقاش/::: Thumbnail.php?file=activia_677104389

أكتيفيا لصحة أفضل و قوام أجمل

وعدنا بعد فاصل قصير
ايه كنا في حكاية الأسعار راهي في السما
الي عندو ياكل و يطيش و الزوالي مالقا ماياكل رانا ديما نقراو في الجرنان
/عائلة لم تأكل منذ 3 أيام ، عائلة تسكن في خم للدجاج ، اب حاول الإنتحار لأنهم لم يستطع أن يتولى
مصاريف عائلته ، شاب ينتحر لأوضاعه المالية المزية/ :::بلاد ميكي..وغلاء الأسعار:::/للنقاش/::: 960149

:::بلاد ميكي..وغلاء الأسعار:::/للنقاش/::: 960149

و أخبار بزااااااف كي تسمعهم راسك يحبس
و علاش علاخاطرش الحكومة تاعنا راقدة و المسؤوليين لاتيين غير بالسلطة يحوسوا غير على المناصب الكبيرة و خلاص
كروشهم كبار مايشبعوش من الدراهم و ماتهمهم حتى حاجة أخرى
و آخر الزيادات في الأسعار تتمثل في زيادة أسعار الشمينgوم فلوريدا
و papier mouchoir كانو ب 10 دج رجعوا ب15 دج
ياااااااااااو ارحمونا شوي حتى أتفه الأشياء و الي يستهلكوها الشباب بزااااااااف زادو فيها
انا قلبي راه معمر من جيهت الحكومة تاعنا و كون نجي نحكيلكم مانلقا منين نبدا
نحكيلكم على البطالة و لا على الأسعار و لا على البيسطو و لا الرشوة و لا المعرفة
ولا على الأخبار الي رانا نسمعو فيها كل يوم إغتصابات و سرقات و قتل وووووووو
كلشي راه يمشي في العوج في بلادنا والو ماراه يصلح
أنا كرهت في بلاد ميكي حتى عدت نتمنى نموت باش نتهنا من الهم في هاذ البلاد
لا خدمة لا gدمة حتى عدت نحس روحي زيادة على الأرض
:::بلاد ميكي..وغلاء الأسعار:::/للنقاش/::: 632253

:::بلاد ميكي..وغلاء الأسعار:::/للنقاش/::: 632253

المهم خوتي نخليلكم المجال باش تعطيولنا رايكم في الموضوع :::بلاد ميكي..وغلاء الأسعار:::/للنقاش/::: Icon_king

ضرك نمدلكم عرض مليح الي يشارك في الموضوع نبعثو في رحلة للصومال
طبعا على حسابي الخاص ايا ماتفوتوش الفرصة باش تروحو للصومال :::بلاد ميكي..وغلاء الأسعار:::/للنقاش/::: Icon_basketball

شكرا لك اخي على الموضوع..
مادام الشعب صامت على هذه..
الافعال فالجزائر هكذا..وستظل هكذا..

راك قلتها " العزيز " بلاد ميكي . بلاد تاع المعارف والتيكي بلاد تاع الرقاد وبيع البلاد راحوا جابونا الشنوة باه يخدموا وخلاو الشباب بلا خدمة ومن بعد يقولك ارواح فوطي عليا وندير وندير من مشاريع لفائدة الشباب مانعرف واش من شباب يقصد شباب تاعنا الضائع كيما نحب نسميهم " لاجوناس بردو " ولا شباب نتاع الحباسات تاع الشناوة لجابوهم ولاو يتاجروا في كل ماهو ممنوع من زطول ومسكرات
بلاد مافيهاش غير مشكل نتاع الاسعار لراهي لهبت ومازال رايح تلهب وحنا على ابواب سيدنا رمضان وهذا الشي كلو على خاطرش الدولة مارهيش متحكمة فالسووووق نتاعها مليح لوكان جات متحكمة فالسوق ميصراش واش يصرا ولانو اغلب المستوردين هوما من صناع القرار نتاع السياسة الخارجية والداخلية والعائلية للدولة نتاعنا ربي يخليهنا
بلاد ميكي نتاع الصح ويسلم ذاك الفم لقالها كلش فيها مزيف والحقيقة فيها مكانش لاننا لراهم يحكمو فينا عاجبهم حال البلاد ويتمسخروا بنا فالنشرة نتاع الثمنية او دار سي الرايس ودار وراح يدير وهو متلهي مع خاوتوا فالزيارات نتاع سي بوتفليقة العايلة ...
كاين الف مشكل ومشكل وماش غير فالشيء هدا نتاعا لاسعار وكون اقتصر الامر على الغلاء برك والله نتحملوا بصح المصيبة راهي كتر من هاد الشي كتعرف لاه لان الدولة بلادنا ماشي بمنطق " العوج "
ومن بعد يقولك " معاك يالخضرا " واش من خضراء باقت مابقا والو كون مجاش عيب نبدل الجنسية وانتهى الامر نشوف كانشي بلاد تعطيني حقي خير من البلاد لي كلاو لي فيها حقي وحقوق 35 مليون جزايري ويتمتعوا بها هوما ولادهم فالشيراتون والحفلات والرحلات لاوروبا وزيد المندبة الكبيرة نتاعهم انهم ياكلوا فالغلة ويسبوا فالغلة وخلي وخلي وخلي .....
موضوع جيد جدا احسنت اخي طرح مميز ومع قوانيين هذا القسم نتمنى المزيد من هته المواضييع التي تفضح الواقع المعاش وتترك القارئ المتلقي يعبر عن مابداخله بدون حدود اللغة ...

فقط بخصوص الجائزة والله انا موافق عليها على الاقل علىا لاقل هناك بالصومال جامعتهم في احسن ترتيب الجامعات العالمية وقد سبقتنا نحن في هذا المجال

شكرا لك على الموضوع
فعلا كل شيء ولا غالي
شخصيا وليت ما نقدرش نخرج للحوانت
على خاطر نروح نتفرج بعينيا ونجي نروح
والوزراء واللي من الجيهة هاذيك
ياكلو باطل وساكنين باطل وكل شي باطل ويزيدو يسلكو الملاين كيما قلتها أنت كراشيهم كبار حتى العبد يولي يقول لاماه ليهم الدراهم هاذو كامل لحكاية واش قاعدين برك
خليها لربي برك أنا أني بديت نخمم كي يروح الانترنت هاذي الخطرة كيفاه ندير باه نقنع بابا يزيد يسلك 1000 دج

شكرا لك على الموضوع

شكرا أخي...طرح هادف ..ومشكلة يعاني منها ..الكثير والكثير ..
مشكلة الغلاء توسعت في كل شيء وعمت
ونستطيع وصفها بالتسونامي
تسونامي ... ما زال مستمرا ويضرب في كل اتجاه بلا هوادة...ومؤخرا ضرب ...قانون المرور
والغالب أن التسونامي له ..عدة أسباب وليس سبب واحد ...
فنحن أمة نأكل مما لا ننتج ..فكل شيء مستورد ..ووووووأسباب كثيرة وكثيرة ...بالإظافة
للسياسة الرشيدة لدولتنا ...وشعب يرضى بكل شيء ..
وكما قلت ..كيف يعيش رب أسرة ...بدخل 8000 دج ..أو أقل ...أو بدون دخل ...لو لا البركة في المال والقناعة ....رغم قلته ..
..اللهم ادفع عنا الغلاء والوباء....
..................
لست أدري !!
جئت لا أعلم للسوق ..
ولكني أتيت
ولقد أبصرت قدامي خضارا فاشتريت..
فإذا بالسـعـر كالنار لهيبا فاكتويت
أيها التاجر قل لي : هل أنا مثلك أحيا ؟
قد أكلت اللحم مني .. وتركت العظم ليا .
أنا يا تاجر خلق.. مثلما ربك ربي ...
لي نفس تشتهي... وأحاسيس بقلبي ...
َلدي أطفال صغار.. !!
فلماذا أنت تلهـو بمصيري ............. لست أدري !!!
يا وزير السوق إنا قد تجرعنا المرارة !!
فهل القانون يرضى ذبحنا باسم التجارة !!!
هل ترى مثلك مثلي قد تكبدت الخسارة !!
أم ترى أنت غشيم لست تدري ............ !!!
...تحياتي ..

السلام عليكم ورحمة الله تعالى وبركاته
أولا أخي شكرا على هذا الطرح الرائع وما زاد من روعته تلك الدارجة الممزوجة ببعض السخط والفكاهة على بلاد ميكي.
لن أزيد كثيرا على ما قلت أنت في طرحك أو ما أضافه الأخ سعيد في رده صراحة صدقتما إلى حد بعيد وكنتما ذا رأي مصيب.
لكن حابة نضيف حاجة وحدة برك :التخمان والله مايحس بالجيعان...صراحة هذي هي العلاقة بيننا وبين مسؤولينا سرقو حتى تخمو ونساو الشعب المسكين الجيعان.ويتفكروه في الإنتخابات...
الشعب المسكين خدروه بالبالون وكأس العالم وكي فطن ورجع لحياتو ولا الحاجة إلي يمس فيها يحصل...

شكرا أخي مرة أخرى على الطرح ودام وفاؤك وتميزك.

ha-la83 كتب:السلام عليكم ورحمة الله تعالى وبركاته
أولا أخي شكرا على هذا الطرح الرائع وما زاد من روعته تلك الدارجة الممزوجة ببعض السخط والفكاهة على بلاد ميكي.
لن أزيد كثيرا على ما قلت أنت في طرحك أو ما أضافه الأخ سعيد في رده صراحة صدقتما إلى حد بعيد وكنتما ذا رأي مصيب.
لكن حابة نضيف حاجة وحدة برك :التخمان والله مايحس بالجيعان...صراحة هذي هي العلاقة بيننا وبين مسؤولينا سرقو حتى تخمو ونساو الشعب المسكين الجيعان.ويتفكروه في الإنتخابات...
الشعب المسكين خدروه بالبالون وكأس العالم وكي فطن ورجع لحياتو ولا الحاجة إلي يمس فيها يحصل...

شكرا أخي مرة أخرى على الطرح ودام وفاؤك وتميزك.

اكيد . من اجل كوووورة نسينا ماهو اهم من هذا الجلد المنفوخ
وياويل ويلهم يوم ينفجر هذا " الغاشي" اكيد سيتغير كل شيء وهته الانتفاضة لا محال منها شئنا او ابينا ويمها اذ سيفكر هؤلاء " عرب الكروش والبطون المنتفخة " في شعبهم المسكين ما أصعب " ثورة الجياع " وعواقبها وخيمة وسوف تحدث حينها تغييرا جذريا وينتهي زمن وحكاية علي بابا و40حرامي ....

بارك الله فيك اخي الكريم وشكرا لك على الطرح الجميل
وما زاده جمالا اللهجة التي استعملتها والتي تصل بيها الي الجميل
وتوصل من خلالها كل ما تريد ان تقول
كلامك يمكن اخي كفى ووفى
وزاده توضيحا ما قاله الاخ سعيد
وغلاء الاسعار هذا احيانا يجعلنا نخربط بين ما هو ضروري وما هو كمالي
والله كيما قلت ساعات تولي تشوف الفاكية من الكماليات وتقول خلي واش عليه
هذا او خلينا من اللبسة ماكان لاه نحكيو فيها

شكرا لك اخي مرة اخري

وشكرا للاخ رمزي على القصيدة الجميلة جدا
تحياتي ودمتم بود

ramzi كتب:
شكرا أخي...طرح هادف ..ومشكلة يعاني منها ..الكثير والكثير ..
مشكلة الغلاء توسعت في كل شيء وعمت
ونستطيع وصفها بالتسونامي
تسونامي ... ما زال مستمرا ويضرب في كل اتجاه بلا هوادة...ومؤخرا ضرب ...قانون المرور
والغالب أن التسونامي له ..عدة أسباب وليس سبب واحد ...
فنحن أمة نأكل مما لا ننتج ..فكل شيء مستورد ..ووووووأسباب كثيرة وكثيرة ...بالإظافة
للسياسة الرشيدة لدولتنا ...وشعب يرضى بكل شيء ..
وكما قلت ..كيف يعيش رب أسرة ...بدخل 8000 دج ..أو أقل ...أو بدون دخل ...لو لا البركة في المال والقناعة ....رغم قلته ..
..اللهم ادفع عنا الغلاء والوباء....
..................
لست أدري !!
جئت لا أعلم للسوق ..
ولكني أتيت
ولقد أبصرت قدامي خضارا فاشتريت..
فإذا بالسـعـر كالنار لهيبا فاكتويت
أيها التاجر قل لي : هل أنا مثلك أحيا ؟
قد أكلت اللحم مني .. وتركت العظم ليا .
أنا يا تاجر خلق.. مثلما ربك ربي ...
لي نفس تشتهي... وأحاسيس بقلبي ...
َلدي أطفال صغار.. !!
فلماذا أنت تلهـو بمصيري ............. لست أدري !!!
يا وزير السوق إنا قد تجرعنا المرارة !!
فهل القانون يرضى ذبحنا باسم التجارة !!!
هل ترى مثلك مثلي قد تكبدت الخسارة !!
أم ترى أنت غشيم لست تدري ............ !!!
...تحياتي ..

اخي رمزي ليس هذا الشخص من رضي ان يعمل باجرة 8000دج بل هناك عوامل وظروف جعلته يظطر للعمل بهته الاجرة الزهيدة رغما عنه
وخير مثال على هذا مهنة " الحاجب " أو " الحارس " سواء بمؤسسة او مدرسة من منا كان يتمنى ان يقوم بها رغم ان العمل ليس عيب لكن ونحن صغار كنا نضحك علىا لحارس أما الان فباتت هته الوظيفة من الصعب الحصول عليها يعني بالدارجة افضل : لازملك معريفة مع لاكاديمي + تسيبا تقهوي + كتاف صحيح باه تتحصل عليها ..وهذا كله نتاج سياسة حكيمة قام بها النظام حتى يبطل اي محاولة من خلالها تقلب موازين القوى او الحكم او رجالاته ....سياسة التجهيل والتجويع سياسة عظيمة انتهجتها الدولة الجزائرية ابتداءا من 1988 ...لتقطع الطريق امام النخبة ووصول هذا الجيل الثالث الى سدة الحكم

وياويل ويلهم يوم ينفجر هذا " الغاشي"
اكيد سيتغير كل شيء وهته الانتفاضة لا محال منها شئنا او ابينا ويمها اذ
سيفكر هؤلاء " عرب الكروش والبطون المنتفخة " في
شعبهم المسكين ما أصعب " ثورة الجياع " وعواقبها
وخيمة وسوف تحدث حينها تغييرا جذريا وينتهي زمن وحكاية علي
بابا و40حرامي

....
ياريت أخي تكون هناك ثورة جياع وينتفضون ...ياخي قالوها خلط تصفى.
هكذا هوها يتهناو، والغاشي المسكين يتهنى من شر اعمالهم

مرام كتب:
بارك الله فيك اخي الكريم وشكرا لك على الطرح الجميل
وما زاده جمالا اللهجة التي استعملتها والتي تصل بيها الي الجميل
وتوصل من خلالها كل ما تريد ان تقول
كلامك يمكن اخي كفى ووفى
وزاده توضيحا ما قاله الاخ سعيد
وغلاء الاسعار هذا احيانا يجعلنا نخربط بين ما هو ضروري وما هو كمالي
والله كيما قلت ساعات تولي تشوف الفاكية من الكماليات وتقول خلي واش عليه
هذا او خلينا من اللبسة ماكان لاه نحكيو فيها

شكرا لك اخي مرة اخري

وشكرا للاخ رمزي على القصيدة الجميلة جدا
تحياتي ودمتم بود

والله يااختي مرام وخلينا نحكيو شوية بالدارجة احرتاما لقوانيين القسم
المشكل ليس فانو هاد الشي كمالي ولا ضروري
بل المشكلة نتاع الدولة هي لمقدرتش تتحكم فالسوق وهدا يرجع بالاساس لتغيير النظام نتاعا لاقتصاد تاع بلادنا فبعد مادخلنا لسياسة الاقتصاد الحر وخرجنا من الاشتراكية لجابت لبلادنا الويلات والويلات وخصوصا في فترة الثامنينيات
الدولة فهمت بلي الخروج هو انها ترفع يديها على دعم الاسعار مثلا وهاد الشيء لخلها تفقد السيطرة عليها وماقدرتش تتحكم فيها ماعدا بعض المواد لهي ماهيش كلش المواطن الدزيري نتاعنا مايعيش غير بالحليب + الخبز كاين حوايج مهمة
كل دولة عبر التاريخ ماان تفكر تغيير نظامها لا يكون الا بحدوث حرب اهلية او صراع او ازمة حقيقية الا في الجزائر بين الثمانينات والتسعينات ماصرا والو ودخلنا في ازمة لا علاقة لها بانقلاب نظاما لحكم .....لازم على الدولة تعرف كيفاه تفرض هيبتها على التجار وتقطع الطريق علىا لباندية واللصوصية واللي يتحكموا ويكونوا السبة في ارتفاع الاسعار بصح واش يديروا اذا كان سي مووول السكر والزيت له مكانة ومدعوم بقوة لفوق عند الباش مهندس ....المهم هاد الشي كلو يجي على الزوالي الفقير هو ليتحمل النتايج الوخيمة

ha-la83 كتب:
وياويل ويلهم يوم ينفجر هذا " الغاشي"
اكيد سيتغير كل شيء وهته الانتفاضة لا محال منها شئنا او ابينا ويمها اذ
سيفكر هؤلاء " عرب الكروش والبطون المنتفخة " في
شعبهم المسكين ما أصعب " ثورة الجياع " وعواقبها
وخيمة وسوف تحدث حينها تغييرا جذريا وينتهي زمن وحكاية علي
بابا و40حرامي
....
ياريت أخي تكون هناك ثورة جياع وينتفضون ...ياخي قالوها خلط تصفى.
هكذا هوها يتهناو، والغاشي المسكين يتهنى من شر اعمالهم

والله يااختي هالة صعيب الشي باه تقوم ثورة فبلادنا تاع الجياع رغم ان كل شيء يوحي الى انفجار وشيك على مستوى المجتمع والطبقة الكادحة بصح كامل يمشي بمنطق " تخطي راسي " وانا الدزاير ماكتبوهاش بسمي ولا تاعي كل واحد حر ولقفز قفز وميسناش الدولة تمدلوا لكن هاد المسكين نسى بلي عندو حق فالبلاد هادي وراه مهدور وماقدرش حتى يفتح فمو المسكين ..

:::بلاد ميكي..وغلاء الأسعار:::/للنقاش/::: 20071205

:::بلاد ميكي..وغلاء الأسعار:::/للنقاش/::: 20070902

:::بلاد ميكي..وغلاء الأسعار:::/للنقاش/::: 20070827

:::بلاد ميكي..وغلاء الأسعار:::/للنقاش/::: 20070823

:::بلاد ميكي..وغلاء الأسعار:::/للنقاش/::: 20070412

..
وربي يفرجها ...على الجميع...اللهم أمين..

لكن هاد المسكين نسى بلي عندو حق فالبلاد هادي وراه مهدور وماقدرش
حتى يفتح فمو المسكين ..

هذا هو المشكل الكبير ..لكن مع من يفتح فمو .حاميها حراميها.
اللقمة تتنحى من فمو ويعطيوها للأجانب والإستثمار الأجنبي.
سمعت أخي بالقانون الجديد إللي يخص المستثمرات الفلاحية ظاهره فيه الرحمة وباطنه فيه العذاب.
مضمون القانون ينحيو المستثمرات للفلاحين إلى متعاقد مع الدولة 99سنة، ومن المفروض وضع مالو وحياتو كامل في هذه المستثمرات ...ويدخلو معاه شريك أجنبي ونرجعو لنظام الخماسين يعني الفلاح الجزايري يولي خماس في أرضو..

nabil_mca كتب:
شكرا لك اخي على الموضوع..
مادام الشعب صامت على هذه..
الافعال فالجزائر هكذا..وستظل هكذا..

لالا خويا الحالة ضرك مامليحاش في بلادنا و قادرة تتصاب
نهار يثور الشعب تشوف واش يصرا للبيريزيدو و جماعتو
لازم نديرو حملة ضد الدولة تاعنا باش يبركاو من التخوبيث و يمشيو قد قد
شكرا لمرورك

Said algeriano كتب:راك قلتها " العزيز " بلاد ميكي . بلاد تاع المعارف والتيكي بلاد تاع الرقاد وبيع البلاد راحوا جابونا الشنوة باه يخدموا وخلاو الشباب بلا خدمة ومن بعد يقولك ارواح فوطي عليا وندير وندير من مشاريع لفائدة الشباب مانعرف واش من شباب يقصد شباب تاعنا الضائع كيما نحب نسميهم " لاجوناس بردو " ولا شباب نتاع الحباسات تاع الشناوة لجابوهم ولاو يتاجروا في كل ماهو ممنوع من زطول ومسكرات
بلاد مافيهاش غير مشكل نتاع الاسعار لراهي لهبت ومازال رايح تلهب وحنا على ابواب سيدنا رمضان وهذا الشي كلو على خاطرش الدولة مارهيش متحكمة فالسووووق نتاعها مليح لوكان جات متحكمة فالسوق ميصراش واش يصرا ولانو اغلب المستوردين هوما من صناع القرار نتاع السياسة الخارجية والداخلية والعائلية للدولة نتاعنا ربي يخليهنا
بلاد ميكي نتاع الصح ويسلم ذاك الفم لقالها كلش فيها مزيف والحقيقة فيها مكانش لاننا لراهم يحكمو فينا عاجبهم حال البلاد ويتمسخروا بنا فالنشرة نتاع الثمنية او دار سي الرايس ودار وراح يدير وهو متلهي مع خاوتوا فالزيارات نتاع سي بوتفليقة العايلة ...
كاين الف مشكل ومشكل وماش غير فالشيء هدا نتاعا لاسعار وكون اقتصر الامر على الغلاء برك والله نتحملوا بصح المصيبة راهي كتر من هاد الشي كتعرف لاه لان الدولة بلادنا ماشي بمنطق " العوج "
ومن بعد يقولك " معاك يالخضرا " واش من خضراء باقت مابقا والو كون مجاش عيب نبدل الجنسية وانتهى الامر نشوف كانشي بلاد تعطيني حقي خير من البلاد لي كلاو لي فيها حقي وحقوق 35 مليون جزايري ويتمتعوا بها هوما ولادهم فالشيراتون والحفلات والرحلات لاوروبا وزيد المندبة الكبيرة نتاعهم انهم ياكلوا فالغلة ويسبوا فالغلة وخلي وخلي وخلي .....
موضوع جيد جدا احسنت اخي طرح مميز ومع قوانيين هذا القسم نتمنى المزيد من هته المواضييع التي تفضح الواقع المعاش وتترك القارئ المتلقي يعبر عن مابداخله بدون حدود اللغة ...

ايه ياخويا السعيد راني نشوف فيهم كيفاه راقدين و بايعين البلاد دخلو ليها الشناوة و الماريكانيين و الفرنسيين
و تاعنا الخاوة راقدين و ماجايبينش خبر لرواحهم بصح ام يفيقو لكن بعد فوات الأوان
و كيما قلت ضرك رمضان راه جاي و الأسعار تطلع للسما و الله كارثة تاع بلادنا هاذي و زيد حنا أصلا ماخدامينش
علاخاطرش كون جا المنتوج كاين بكثرة في البلاد كون الأسعار ماراهيش مرتفعة بصح حنا لالا الفلاح مايخدمش و الدولة ماتعاونش
و الشعب مايسكتش و الزوالي ماياكلش و الي دار هذا الشي مرا الدولة
و من بعد جات البالو الباهية دخلت لعقول الشعب و خدرتهم نساو على المشاكل و دخلو في مشاكل مع شعب آخر
و زاد السي بوتفليقة دوخ الشباب مليح كي نهار بعثهم للسودان باطل و رجعوا الشباب يقولو عهدة رابعة يخلات انا ننتحر إذا بقى بوتفليقة هو الرئيس
و ياخويا السعيد إذا حاب تبدل الجنسية ارواح نروحو لإسبانيا و لا لإيطاليا نخدمو و مايخصنا والو خير على الدزاير
وماتخافش يا السعيد راني هنا و المواضيع الي كيما هاذي ديما حاضرة حتى نهار تتسقم الحالة
تحياتي

Said algeriano كتب:فقط بخصوص الجائزة والله انا موافق عليها على الاقل علىا لاقل هناك بالصومال جامعتهم في احسن ترتيب الجامعات العالمية وقد سبقتنا نحن في هذا المجال

ايه هذي الحالة الي وصلنا ليها رجعوا الجاميعات تاع الصومال خير على تاع الدزاير
طبعا هذا بفضل بن بوزيد قالك الإصلاح الإصلاح تاع خلاه
خلاها على التلاميذ و على الدراسة في البلاد
بخصوص الرحلة فقد تم حجز مكانك و راح تسافر نهار الجمعة ان شاء الله وجد روحك

أشواق كتب:شكرا لك على الموضوع
فعلا كل شيء ولا غالي
شخصيا وليت ما نقدرش نخرج للحوانت
على خاطر نروح نتفرج بعينيا ونجي نروح
والوزراء واللي من الجيهة هاذيك
ياكلو باطل وساكنين باطل وكل شي باطل ويزيدو يسلكو الملاين كيما قلتها أنت كراشيهم كبار حتى العبد يولي يقول لاماه ليهم الدراهم هاذو كامل لحكاية واش قاعدين برك
خليها لربي برك أنا أني بديت نخمم كي يروح الانترنت هاذي الخطرة كيفاه ندير باه نقنع بابا يزيد يسلك 1000 دج

والله يااختي رانا كامل نخرجو نشوفو بعينينا و خلاص
الأسعار ملتهبة ماتقدرش تمس فيها و الوزاراء هاذوك كساعيت مانهدروش عليهم
شوفي مع كروشهم برك يعطيوك الخبر كروشهم كيما الكاميوات يهزوا بزااااااااف
ياكلو غير في الحرام
أمام يخصوص إشتراك النت تاعك ماتخافيش نلمولك 10 دج من كل واحد و سلكيها
شكرا على مرورك العطر

zoro diago كتب:شكرا لك على الموضوع

إذا ماشفتش العنوان مكتوب للنقاش
على كل شكرا لإطلاعك

ramzi كتب:
شكرا أخي...طرح هادف ..ومشكلة يعاني منها ..الكثير والكثير ..
مشكلة الغلاء توسعت في كل شيء وعمت
ونستطيع وصفها بالتسونامي
تسونامي ... ما زال مستمرا ويضرب في كل اتجاه بلا هوادة...ومؤخرا ضرب ...قانون المرور
والغالب أن التسونامي له ..عدة أسباب وليس سبب واحد ...
فنحن أمة نأكل مما لا ننتج ..فكل شيء مستورد ..ووووووأسباب كثيرة وكثيرة ...بالإظافة
للسياسة الرشيدة لدولتنا ...وشعب يرضى بكل شيء ..
وكما قلت ..كيف يعيش رب أسرة ...بدخل 8000 دج ..أو أقل ...أو بدون دخل ...لو لا البركة في المال والقناعة ....رغم قلته ..
..اللهم ادفع عنا الغلاء والوباء....
..................
لست أدري !!
جئت لا أعلم للسوق ..
ولكني أتيت
ولقد أبصرت قدامي خضارا فاشتريت..
فإذا بالسـعـر كالنار لهيبا فاكتويت
أيها التاجر قل لي : هل أنا مثلك أحيا ؟
قد أكلت اللحم مني .. وتركت العظم ليا .
أنا يا تاجر خلق.. مثلما ربك ربي ...
لي نفس تشتهي... وأحاسيس بقلبي ...
َلدي أطفال صغار.. !!
فلماذا أنت تلهـو بمصيري ............. لست أدري !!!
يا وزير السوق إنا قد تجرعنا المرارة !!
فهل القانون يرضى ذبحنا باسم التجارة !!!
هل ترى مثلك مثلي قد تكبدت الخسارة !!
أم ترى أنت غشيم لست تدري ............ !!!
...تحياتي ..

يعطيك الصحة خويا فعلا هو تسونامي ضرب في كل إتجاه
ماخلى حتى حاجة تصلح و كيما قلت نحن أمة نأكل مما لاننتج
و ضرك تفكرت الحديث تاع الرسول صلى الله عليه و سلم فيما معناه لأني لا أحفظ الحديث جيدا
لا خير في أمة تأكل مما لا تنتج و تلبس مما لا تنسج
يسمى ماكان حتى خير في الأمة تاعنا كي عادت هاكذا
و شكرا على كلماتك الجميلة التي أردفت بها ردك
و شكرا على مرورك

SiLViSteR كتب:
Said algeriano كتب:راك قلتها " العزيز " بلاد ميكي . بلاد تاع المعارف والتيكي بلاد تاع الرقاد وبيع البلاد راحوا جابونا الشنوة باه يخدموا وخلاو الشباب بلا خدمة ومن بعد يقولك ارواح فوطي عليا وندير وندير من مشاريع لفائدة الشباب مانعرف واش من شباب يقصد شباب تاعنا الضائع كيما نحب نسميهم " لاجوناس بردو " ولا شباب نتاع الحباسات تاع الشناوة لجابوهم ولاو يتاجروا في كل ماهو ممنوع من زطول ومسكرات
بلاد مافيهاش غير مشكل نتاع الاسعار لراهي لهبت ومازال رايح تلهب وحنا على ابواب سيدنا رمضان وهذا الشي كلو على خاطرش الدولة مارهيش متحكمة فالسووووق نتاعها مليح لوكان جات متحكمة فالسوق ميصراش واش يصرا ولانو اغلب المستوردين هوما من صناع القرار نتاع السياسة الخارجية والداخلية والعائلية للدولة نتاعنا ربي يخليهنا
بلاد ميكي نتاع الصح ويسلم ذاك الفم لقالها كلش فيها مزيف والحقيقة فيها مكانش لاننا لراهم يحكمو فينا عاجبهم حال البلاد ويتمسخروا بنا فالنشرة نتاع الثمنية او دار سي الرايس ودار وراح يدير وهو متلهي مع خاوتوا فالزيارات نتاع سي بوتفليقة العايلة ...
كاين الف مشكل ومشكل وماش غير فالشيء هدا نتاعا لاسعار وكون اقتصر الامر على الغلاء برك والله نتحملوا بصح المصيبة راهي كتر من هاد الشي كتعرف لاه لان الدولة بلادنا ماشي بمنطق " العوج "
ومن بعد يقولك " معاك يالخضرا " واش من خضراء باقت مابقا والو كون مجاش عيب نبدل الجنسية وانتهى الامر نشوف كانشي بلاد تعطيني حقي خير من البلاد لي كلاو لي فيها حقي وحقوق 35 مليون جزايري ويتمتعوا بها هوما ولادهم فالشيراتون والحفلات والرحلات لاوروبا وزيد المندبة الكبيرة نتاعهم انهم ياكلوا فالغلة ويسبوا فالغلة وخلي وخلي وخلي .....
موضوع جيد جدا احسنت اخي طرح مميز ومع قوانيين هذا القسم نتمنى المزيد من هته المواضييع التي تفضح الواقع المعاش وتترك القارئ المتلقي يعبر عن مابداخله بدون حدود اللغة ...
ايه ياخويا السعيد راني نشوف فيهم كيفاه راقدين و بايعين البلاد دخلو ليها الشناوة و الماريكانيين و الفرنسيين
و تاعنا الخاوة راقدين و ماجايبينش خبر لرواحهم بصح ام يفيقو لكن بعد فوات الأوان
و كيما قلت ضرك رمضان راه جاي و الأسعار تطلع للسما و الله كارثة تاع بلادنا هاذي و زيد حنا أصلا ماخدامينش
علاخاطرش كون جا المنتوج كاين بكثرة في البلاد كون الأسعار ماراهيش مرتفعة بصح حنا لالا الفلاح مايخدمش و الدولة ماتعاونش
و الشعب مايسكتش و الزوالي ماياكلش و الي دار هذا الشي مرا الدولة
و من بعد جات البالو الباهية دخلت لعقول الشعب و خدرتهم نساو على المشاكل و دخلو في مشاكل مع شعب آخر
و زاد السي بوتفليقة دوخ الشباب مليح كي نهار بعثهم للسودان باطل و رجعوا الشباب يقولو عهدة رابعة يخلات انا ننتحر إذا بقى بوتفليقة هو الرئيس
و ياخويا السعيد إذا حاب تبدل الجنسية ارواح نروحو لإسبانيا و لا لإيطاليا نخدمو و مايخصنا والو خير على الدزاير
وماتخافش يا السعيد راني هنا و المواضيع الي كيما هاذي ديما حاضرة حتى نهار تتسقم الحالة
تحياتي

المشكل تاع الجنسية مانقدرت نفرط فيها لانها غالية علية بزاف تعرف علها لمادا لان هاد الجنسية ضحى عليها الشهداء الابرار لماتوا على هاد الوطن ولرانا عايشين فيه في نعمة الاستقلالبصح هاد الوطن لماتوا عليه مليون وكدا شهيد مايساهلش تحكموا ......ولا نقولها خير ماكلاه مقص الرقيب نعم تحكمه مافيا تفقه جيدا في السياسة والديبلوماسية والقانون رغم انني من حقي ان اطلب جنسية ثانية وهو حق مشروع ومكفول في المواثيق الدولية وحقوق الانسان ...
سلام اخي ..

SiLViSteR كتب:
Said algeriano كتب:فقط بخصوص الجائزة والله انا موافق عليها على الاقل علىا لاقل هناك بالصومال جامعتهم في احسن ترتيب الجامعات العالمية وقد سبقتنا نحن في هذا المجال
ايه هذي الحالة الي وصلنا ليها رجعوا الجاميعات تاع الصومال خير على تاع الدزاير
طبعا هذا بفضل بن بوزيد قالك الإصلاح الإصلاح تاع خلاه
خلاها على التلاميذ و على الدراسة في البلاد
بخصوص الرحلة فقد تم حجز مكانك و راح تسافر نهار الجمعة ان شاء الله وجد روحك

ليس بن بوزيد وحدوا من يتحمل مسؤولية هاد الخلل في اهم قطاع في اي دولة الا وهو قطاع التعليم ولا حتى وزير الجامعات بالمفهوم الصحيح لهته الوزارة بل هي مسؤولية النظام والدولة الذي حول هته الجامعات تنتج شهادات منسوخة فارغة المحتوى وتخرج جامعيين لم يحضر حصة ولا يعلم بمعنى تخصصه وقضى حياته الجامعية بين لهو والترف والحفلات الصاخبة و و و من امور لا يمكنني ذكرها وهو لا يعي بانه يمثل النخبة وهي جاءت من سياسة التجهيل المنتهجة للقضاء على النخبة وليبقوا هم في الحكم وعرفوا معنى القول القائل : شعب يقرأ شعب لا يجوع شعب لا يستعبد
ومن خلال ذلك هي تحاول ان تجعل من الشعب لا يقرأ ويعني انه شعب جائع ومستعبد فوق الارض والجوع نوعان فكري والهرقمة
تحياتي لك اخي

شوف نقولك خو بلادنا معوجة كي اللي حلكمينها ضرك نقولك لعزيز علاش غلاو الأسعار
أكيد رك فرحت بالمنتخب الوطني تاعك كي تأهل للمونديال و لا راني غالط قولي
فرحنا و زهينا وكل شي في ميزك شحال صرفت الدولة على جال هذيك الحملة تاع الفوت اللي ماربحنا منها والو غير الميزيرية وتكسار الراس ومن جيهة خلاف الكروش الكبار راهم لقاوها فرصةباه يخدروا الشعب موا يديروا واش يخططو فيه من قبل اكيد الدراهم اللي خهسرت الدولة شكون يخلصا أكيد الزوالي و غير الزوالي علابيها راهم يطلعوا في السلعة ويرجعوا في الاموال وعند بالك الدولة كانش ماخسرت والواا الدراهم منا والينا غير قاعدين يمصوا في الزوالي ويزيدوا للبحر في بوقلاز احنا لاتيين بالفوت و الدنيا اي تخيط من تحت الله غالب واش يدير الميت في يد غسالوا
وكيما يقولوا الزوالي عاش ماكسب مات ماخلا

:::بلاد ميكي..وغلاء الأسعار:::/للنقاش/:::

:::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::

رد: :::بلاد ميكي..وغلاء الأسعار:::/للنقاش/:::



		- قسم الشريعة الإسلامية - النقاش السياســــــــي - أقلامنا . . . . . - أخبار الرياضة المحلية - أخبار ميلـــــــــــــــة - أخبار وقضايا المدينة - قسم المجتمع المدني - مناسبات خاصة جدا . - شكاوى واقتراحات .