للنقاش...

السلام عليكم
لقد أحببت أن أطرح هذا الموضوع للنقاش (قد يتعلق شخص بشخص آخر الى درجة كبيرة ولكن ماذا لو أتت لحظة واكتشف هذا المحب أن من يحب لا يستحق منه هذه المشاعر ولايبادله شيئا

منها والمشكلة تكمن في أن هذا المحب عندما يتخذ القرار بأن يبتعد يأبى قلبه ذلك ولا يستطيع الا التفكير بمحبوبه القديم .
فما هوالحل؟؟
مع العلم هاذا شعاري و رأي الخاص :

أجبر قلبي على الصبر كي لا أكسر نفسي واعزها لان من يسقط من العين صعب ان احافظ عليه بقلبي
لان قلبي اغلى من انسان يستهين بي
ولااعتقد سقوطه لسبب تافه اكيد السبب يجبر عقلي علي رفضه
و قلبي ملكي اروضه واجبره علي الصبر كي لاياتي من يجرحني ويستهن بي
و يجب علي الانسان يحافظ علي بقايا نفسه لان النفس عندما تكسر صعب ان ترمم
لانها مثل الزجاج ومهم حاولنا اصلحها تبقي الخدوش تشوه المنظر
ومهما يبقى من ذكريات فيه تجبره على التفكير بها . حينما يتذكر معها العذاب والجرح يرفضها .

و هل أنا على حق و صواب ؟؟

معك حق لأن الحبيب أو الصديق مهما سقط عن العين فإن القلب يبقى يفكر ويسترجع ذكرياته الاليمة ويبقى يعاني طوال حياته 

معك كل الحق أخي مهدي

انا بالنسبوة ليا لي يحب من قلبو محال ينسى محبوبه
واللي يحب يقدر يسامح مهما كان حجم الغلطة و يحاول يعاود يرجع للي يحبو
اما الى دخلت فيها مسالة الكبرياء و حاجة خلاف بالنسبة ليا ماهوش حب حقيقي.

و لا اقصد بهذا ان العبد يولي رخيص لالا لكن لابد يسايس شويا

انا هذا رايي و انت اخي دبر راسك ههههههههههههههههه

انا معك الاخ مهدي وان معك كل الحق

the cold heart كتب:انا بالنسبوة ليا لي يحب من قلبو محال ينسى محبوبه
واللي يحب يقدر يسامح مهما كان حجم الغلطة و يحاول يعاود يرجع للي يحبو
اما الى دخلت فيها مسالة الكبرياء و حاجة خلاف بالنسبة ليا ماهوش حب حقيقي.

و لا اقصد بهذا ان العبد يولي رخيص لالا لكن لابد يسايس شويا

انا هذا رايي و انت اخي دبر راسك ههههههههههههههههه

لالالا يا ختي كي توصل للكرامة ميبقاش حب . وكون هاذا المحبوب يحبك هو لي يرجع و يطلب السماح وإلى ما جاش كيفاش رايح تسامحو و هو غير مهتم . و على حسب علمي غير نتي مخالفتني و الباقي موافقيني !!!!
شكرا على ردودكم .

انا في راي اللي يحب حب حقيقي جامي ينسا ........................لانو قلبو هواه صح ورسمو لوحة بين عينيه.........وغيرو وغيرو ههههههههههههههه

صعيبة تحب من قلبك وتتشوكا من بعد ف كش حاجة ...بصح قبل ماتحكم افهم سع وش كاين وقدر الظرووف ...بلاك تكون كاينة حاجة غالط ولا............

وكي يطيح من العين مشكيتش يطيح من القلب لانو القلب الا حب صح نورمالمون ميقدرش ينسا بسهووووولة وبين ليلة وضحاها
ومسالة الكبرياء قادرة تقيس في الصميم .......اما عدم التسامح فهي حاجة اخرى
وماعرف هههههههههههههههههههههههه

بوركت اخي على الطرح القيــــــــــــم

احساس مرهف كتب:انا في راي اللي يحب حب حقيقي جامي ينسا ........................لانو قلبو هواه صح ورسمو لوحة بين عينيه.........وغيرو وغيرو ههههههههههههههه

صعيبة تحب من قلبك وتتشوكا من بعد ف كش حاجة ...بصح قبل ماتحكم افهم سع وش كاين وقدر الظرووف ...بلاك تكون كاينة حاجة غالط ولا............

وكي يطيح من العين مشكيتش يطيح من القلب لانو القلب الا حب صح نورمالمون ميقدرش ينسا بسهووووولة وبين ليلة وضحاها
ومسالة الكبرياء قادرة تقيس في الصميم .......اما عدم التسامح فهي حاجة اخرى
وماعرف هههههههههههههههههههههههه

بوركت اخي على الطرح القيــــــــــــم

لا يا ختي لي تغلب عليه طابع عزة النفس . مهما يحب بصح إلى لحقة لكرامة تاعو يحبس كولش ما يبقاش هاذا الحب والى المحبة .( منيش نهدر على روحي انا . اني نهدر بصفة عامة)

ramzi كتب:واش داك يا سي مهدي ....ماتحبش اسيدي

لا يا خويا نقصد الصحاب موحال الإنسان يعيش بلا صحاب. و لى ما عمندكش نتا صحابك تحبهم ؟؟

صعيبة الدعوة.............والله مايقدر الواحد ينسى الا مع مرور الوقت..بصح الأسبوع يفوت شهر وزيد الذكريات تبقى تعذب فيك..............بزاف


شكراا على الطرح
لكن هذا الموضوع قد يفتح جروح قديمة للبعض

انا شخصيا روحي عزيزة عليا بزاف صافي مانسمح لحتى واحد انو يحطملي قلبي كيما راك تقول
وبالتالي انا معاك رأيك صواب

لايمكن المرء ان ينسى قلب احبه بصدق مهما فعل ولن يفعل لكي ينسى لأنه لن يستطيع ان ينسى
ونقولك حاجة
الصبر مفتاح الفرج
والا كيفاه اخي مهدي

رايي من رايك اخي

شكرا لك على الموضوع