دخول

لقد نسيت كلمة السر

المتواجدون الآن ؟
ككل هناك 13 عُضو متصل حالياً :: 0 عضو مُسجل, 0 عُضو مُختفي و 13 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 462 بتاريخ الثلاثاء 4 يونيو 2013 - 14:24


 
   
     - قسم الشريعة الإسلامية
- النقاش السياســــــــي
- أقلامنا . . . . .
- أخبار الرياضة المحلية
- أخبار ميلـــــــــــــــة
- أخبار وقضايا المدينة
- قسم المجتمع المدني
- مناسبات خاصة جدا .
- شكاوى واقتراحات .

   
 
   
   

القصيدة الجديدة للشاعر المصري الكبير " عبد الرحمن الأبنودي " عنوانها " الميدان "

اذهب الى الأسفل

القصيدة الجديدة للشاعر المصري الكبير " عبد الرحمن الأبنودي " عنوانها " الميدان " Empty القصيدة الجديدة للشاعر المصري الكبير " عبد الرحمن الأبنودي " عنوانها " الميدان "

مُساهمة من طرف الزرماني في السبت 5 فبراير 2011 - 23:28

أهلا أيها الرفاق
و في إطار متابعتي الشاقة لأخبار مصر هذه الأيام ، و تنقلي المستمر بين القنوات الفضائية ، و قعت من غير أن أدري على قناة " الحياة " ، و أنا أستمع إليهم في نقاشاتهم ، قال المذيع معنا حصري ، مع رجل تحبوه كثيرا ، ثم قال بعد فاصل ، انتظرنا الفاصل ، ثم قال المذيع الرجل هو الشاعر " عبد الرحمن الأبنودي " ، و لعلمكم هو شاعر شعبي كبير ، ينافس في قامته الشعرية " أحمد فؤاد نجم " ، وله رخامة صوت تعكس شاعريته ، و بالفعل انطلق الرجل في إلقاء قصيدته الجديدة التي عنوانها " الميدان " أي ميدان التحرير الذي يرابط فيه أولئك الشباب الشرفاء الطاهرين ، و إذ نعيد هذه القصيدة على مسامعكم لا يسعنا إلا أن ندعو الله أن يثبتهم ، و يطيح بذلك الوغد " مبارك". و في المقابل نشرت جريدة " اليوم السابع " قصيدته بخط يده ، ننقل بعض من خط يد " عبد الرحمن الأبنودي " مع كذلك الفيديو الخاص بحصري قناة " الحياة ".

القصيدة الجديدة للشاعر المصري الكبير " عبد الرحمن الأبنودي " عنوانها " الميدان " 65568540
القصيدة الجديدة للشاعر المصري الكبير " عبد الرحمن الأبنودي " عنوانها " الميدان " 21526557

القصيدة الجديدة للشاعر المصري الكبير " عبد الرحمن الأبنودي " عنوانها " الميدان " 38049614
القصيدة الجديدة للشاعر المصري الكبير " عبد الرحمن الأبنودي " عنوانها " الميدان " 31457207القصيدة الجديدة للشاعر المصري الكبير " عبد الرحمن الأبنودي " عنوانها " الميدان " 35612457
ايادي مصرية سمرا ليها في التمييز


ممددة وسط الزئير بتكسر البراويز


سطوع لصوت الجموع شوف مصر تحت الشمس


آن الآوان ترحلي يا دولة العواجيز


عواجيز شداد مسعورين اكلوا بلدنا اكل


ويشبهوا بعضهم نهم وخسة وشكل


طلع الشباب البديع قلبوا خريفها ربيع


وحققوا المعجزة صحوا القتيل من القتل


اقتلني قتلي ما هيعيد دولتك تاني


بكتب بدمي حياة تانية لأوطاني


دمي دة ولا الربيع الاتنين بلون اخضر


وببتسم من سعادتي ولا احزاني


تحاولوا ما تحاولوا ما تشوفوا وطن غيره


سلبتوا دم الوطن وبشيمته من خيره


احلامنا بكرانا اصغر ضحكة علي شفة


شفتوتش الصياد يا خلق بيقتلوا طيروا


السوس بينخر وسارح تحت اشرافك


فرحان بيهم كنت وشايلهم علي كتافك


واما اهالينا من زرعوا وبنوا وصنعوا


كانوا مداس ليك ولولادك واحلافك


ويا مصر يا مصر آن العليل رجعتله انفاسه


وباس جبين للوطن ما للوطن داسه


من قبل موته بيوم صحوه اولاده


ان كان سبب علته محبته لناسه


الثورة فيضان قديم


محبوس مشافوش زول


الثورة لو جد متبانش في كلام او قول


تحلب وتعجن في سرية تفور في القلب وتنغزل فتلة فتلة في ضمير النول


متخافش علي مصر يابا مصر محروسة حتي من التهمة دي اللي فينا مدسوسة


ولو انت ابوها بصحيح وخايف عليها اي تركتها ليه بدن بتنخره السوسة


وبيسرقوكي يا الوطن قدامنا عيني عينك


ينده بقوة الوطن ويقلي قوم


فينك ضحكت علينا الكتب بعدت بينا عنك


لولا ولادنا اللي قاموا يسددوا دينك


لكن خلاص يا وطن


صحيت جموع الخلق قبضوا علي الشمس بايديهم


وقالوا لا من المستحيل يفرطوا عقد الوطن تاني


و الكدب تاني محال يلبس قناع الحق


بكل حب الحياة خوط في دم اخوك


قول انت مين للي باعوا حلمنا وباعوك واهانوك


وذلوك ولعبوا قمار باحلامك


نيران هتافك تحرر صحبك الممسوك


يرجعلها صوتها مصر تعود ملامحها تاخد مكانها القديم


والكون يصالحها عشرات السنين تسكونوا بالكدب في عروقنا


والدنيا متقدمة ومصر مطرحها


كتبتوا اول سطور في صفحة ثورة


وهما علما و خبرة مداورة ومناورة


وقعتوا فرعون هرب من قلب تمثاله


لكن جيوشه مازالوا بيحلموا ببكرة


صباح حقيقي ودرس جديد اوي في الرفض


اتاري للشمس صوت واتاري للارض نبض


تاني معاكم رجعنا نحب كلمة مصر


تاني معاكم رجعنا نحب ضحكة بعض


مين كان يقول ابننا يطلع من النفق


دي صرخة ولا غني ودة دم ولا شفق


اتاريها حاجة بسيطة الثورة يا اخوانا


مين اللي شافها كدة مين اول اللي بدأ


مش دول شاببنا اللي قالوا كرهوا اوطانهم


ولبسنا توب الحداد وبعدنا اوي عنهم


هما اللي قاموا النهاردة يشعلوا الثورة


ويصنفوا الخلق مين عنهم ومين خانهم


يادي الميدان اللي حضن الذكري وسهرها


يادي الميدان اللي فتن الخلق وسحرها


يادي الميدان اللي غاب اسمه كتير عنه وصبرها


ما بين عباد عاشقة و عباد كارهة


شباب كان الميدان اهله وعنوانه


ولا في الميدان نسكافيه ولا كابتشينو


خدوده عرفوا جمال النوم علي الأسفلت


والموت عارفهم اوي وهما عارفينه


لا الظلم هين يا ناس ولا الشباب قاصر


مهما حاصرتوا الميدان عمروا ما يتحاصر


فكرتني يا الميدان بزمان وسحر زمان


فكرتني بأغلي ايام في زمن ناصر


شايل حياتك علي كفك صغير السن


ليل بعد يوم المعاناة وانت مش بتأن


جمل المحامل وانت غاضض


بتعجب امتي عرفت النضال


اسمحلي حاجة تجن


اتاريك جميل يا وطن مازلت و هتبقي


زال الضباب وانفجرت باعلي صوت


لا حركتنا نبتسم ودفعت انت الحساب


وبنبتسم بس بسمة طالعة بمشقة


فينك يا صبح الكرامة لما البشر هانوا


وأهل مصر الأصيلة اتخانوا واتهانوا


بنشتري العزة تاني والتمن غالي


فتح الوطن للجميع قلبوا و احضانوا


الثورة غيض الامل وغنوة الثوار


الليل اذا خانه لونه يتقلب لنهار


ضج الضجيج بالندا اصحي يا فجر الناس


فينك يا صوت الغلابة وضحكة الانفار


وأحنا وراهم أساتذة خايبة


تتعلم ازاي نحب الوطن وامتي نتكلم


لما طال الصدي قلبنا ويأسنا من فتحه


قلب الوطن قبلكم كان خاوي ومضلم


أولنا في لسة الجولة ورا جولة


دة سوس بينخر يا ابويا في جسد دولة


ايوة الملك صار كتابة انما ابدا


لو غفلت عينا لحظة يقلبوا العملة


لكن خوفي مازال جوة الفؤاد يكبش


الخوف اللي ساكن شقوق القلب ومعشش


واللي مش راح يسيبه ولسة هيبقوا


وهيلاقولهم سكك وببان ما تتردش


وحاسبوا اوي من الديابة اللي في وسطيكم


وحاسبوا اوي من الديابة اللي في وسطيكم


والا تبقي الخيانة منك وفيكم


الضحك علي البق بس الرك علي النيات


فيهم عدوين اشد من اللي حواليكم